【日本輕井澤婚紗拍攝】 – 客人慈影 & 家豪拍攝後感想

Post author:Cheung Andrew
Post published:10 11 月, 2019
Post category:Prewedding / 婚紗拍攝感想 / 日本婚紗相

【日本輕井澤+北海道婚紗拍攝】 – 拍攝後感想

攝影師:Freeman@Picasso Wedding
化妝師: 祖茹@Picasso Wedding
拍攝日期：19年7月北海道婚紗拍攝之旅+10月輕井澤婚紗拍攝之旅

尋晚好開心終於攞到十月輕井澤pre-wedding 既相，真係好靚好靚好靚，好彩聽左Picasso Leo 既推薦，明知無得係Wedding Dinner前攞到相薄都決定去輕井澤而無揀到沖繩。事關從來無睇過紅葉，諗都諗唔得紅葉影出黎既相，顏色層次分明，當然呢啲都唔少得大師Freeman既超凡實力。

講起Freeman，第一次見係七月北海道，因為行程好長，大家又唔熟，所以一上車就瞓著左。辛苦他揸左成個鐘先到他介紹既廢棄車站。同其他顧客唔同，我地兩地都有影一套便服相，可能我地理解力有問題，一開始一直同Freeman 雞同鴨講，以為要影便服相就要一齊買一套一模一樣既去影，睇左好多衫都唔鐘意，好彩freeman都好不耐性咁解答，而我最後都成功呃左他，無聽指示就著左條貌似裙既裙褲去影呢輯相。

可能比較慢熱既關係，差不多去到最後既景點 – 日之出公園，先開始同Freeman講多左野??對他既記憶，永遠停留係，你又企唔直，點解會要你去左邊，你會去右邊。好記得他最後既總結係，我無聽啱過一句他既提點，比其他顧客更加嚴重??

十月頭知道左係Freeman 再影既時候，感覺成個旅程輕鬆左好多，今次大家有講有笑，化妝師祖茹晨早黎同我化妝既時候，我仲話freeman咁勁，就算你點化，大師都會執到個靚效果，不用緊張 (當然最後她有幫我化靚靚同辛苦她幫我著左套好多綁繩既和服?）?講到辛苦，當然我地亦麻煩左Freeman 揸我地架大車，亦感謝他無意中話左俾我地知原來我地部車可以開藍牙聽歌。

有左上次既經驗，今次輕井澤好玩左好多，而且我好都努力聽commands，務求可以係Freeman 叫我去左邊既時候去左邊，我深信今次起碼有成功到好多次??

每次去Picasso既店鋪時，都會聽到Sales努力推銷張文采，雖然你地都可能會好似我地呢對新人咁，完全唔識她，但我相信你地睇左Picasso 攝影師影完既相之後都會覺得自己無揀錯，希望你地都同我一樣都有個愉快既Picasso 回憶啦。