【香港婚紗拍攝】 – 客人拍攝後感想

Post author:Cheung Andrew
Post published:18 6 月, 2019
Post category:Photography / Prewedding

【香港婚紗拍攝】 – 客人拍攝後感想

客人拍攝後感想內容：

攝影師:LEO@Picasso Wedding
化妝師: KARA@Picasso Wedding
拍攝日期：19年4月

嚟緊我六月份頭結婚，希望係婚禮之前可以影一輯pre wedding 嘅相留念。但係我到四月都仲未搵到一間心儀既攝影公司。差唔多到四月中，終於搵到Picasso wedding 。我同男朋友遇到 Andrew，係介紹package 既時間絕對冇hard sell ，收費列明清晰，仲有我哋時間緊迫可以盡快安排好揀衫同拍攝嘅時間。所以，最後我地揀咗Picasso wedding 係一個禮拜裏面揀好晒影相嘅衫，第二個禮拜已經可以影到相。非常感謝Andrew 既協助，好helpful 🙂

仲有，幫我地揀衫嘅Meagan，會因應我嘅需要同現有嘅存貨而又有檔期，幫我揀件合適嘅婚紗同晚裝。另外，幫我度尺寸同協助我試著婚紗同晚裝既Sharon，非常有耐性幫我度size，分享對我哋試衫嘅睇法，從而比合適嘅意見，例如邊一件顏色既禮服，晚裝同婚紗會襯我哋多啲。

係拍攝過程，我非常感謝攝影師Leo，成個拍攝過程我同男朋友都係完全放鬆，好自然咁去影相。同埋Leo 不厭其煩咁樣教我同男朋友擺pose，全程都非常客氣同有禮貌，仲引我地笑添，唔會令到我哋有一點點嘅尷尬，反而係令到我哋更加自然。

我亦都好多謝攝影助理King，會幫忙拎住裙尾，點樣擺個裙尾。喺每一個shot，佢都非常主動睇吓點樣擺位令到相嘅效果更加好睇。

最後，仲有要多謝化妝師Kara，化妝前就問下我鍾意邊類型嘅妝容,唔會係自己決定。眼妝想點樣化，化妝手勢都好好。當我俾少少意見，Kara係接受我嘅意見，亦都即時幫我睇睇點樣先可以化到我想要嘅效果。細心位置係Kara 當日全程扶實我，所以我係好放心咁行路。因為婚紗晚裝都比較大件，而我揀嗰啲裙幾乎全部都有拖尾，如果冇Kara 幫我，一個唔小心，真係好易跌親。

而家我哋好期待製成品既出世我再次感謝幫過我地既每一位工作人員，Picasso wedding 團隊真係非常專業！