香港婚紗拍攝 – 拍攝須知

香港嘅婚紗拍攝全日 11 小時嘅行程一般都包括日景同埋夜景，全日都會以室外為主要拍攝景點，所以拍攝前必需細心留意一吓以下嘅資訊。
如果有任何需要我哋嘅攝影師/化妝師配合嘅話都歡迎直接提出，好讓拍攝能夠順利進行。

（ 溫馨提示雖然好大段文字，但都請你地花少少時間望一望 ）

1.拍攝當日氣溫

香港影婚紗相你選擇咗 3 月份到 11 月期間就特別需要留意一下喇，因為如果拍攝當日氣温超過30度嘅機會相當大，所以要特別留意需要準備嘅物資同埋事項。

1.男生需額外準備多一件恤衫以作替換
2.建議拍攝當日男生需著底衫/背心打底（ 白色 ），避免因太大汗而整濕晒件恤衫。
3.天氣熱加上濕度高會容星暈車浪，所以建議帶備白花油或食定暈浪丸。
4.降温用品 – 水，電風扇
5.部分女生因束衣太緊加上舟車勞頓攪到作嘔作悶，行車期間如有需要的話可以叫化妝師幫手解鬆少少。

2.貴重物品.

香港婚紗拍攝當日基於安全理由,請不要帶太貴重嘅物品。隨身物品亦要盡量輕便，以便拍攝！背包，手袋唔需要上鏡嘅物品都唔洗帶出去。如真係有必要帶出去，我地會建議存放係車上，以策安全。

3.穩形眼鏡/眼鏡

男主角拍攝時如需要配帶眼鏡，切勿用會變色嘅鏡片。
另外如果度數比較深，需要額外配帶不反光而又無度數嘅鏡片去拍攝。

由於大眼仔 con 可以令双眼變得更有神，所以女生有興趣嘅話都可以準備一下！
但係如果你無用開隱形眼鏡就唔太建議帶大眼仔 con ，因為真係有機會影嚮你双眼同會影響當日嘅表現，例如會不停流眼水。

*部份新人會因配帶隱形眼鏡導致眼精乾澀，所以都建議準備定眼藥水。

4.婚紗拍攝必需帶備之物品

所需拍攝之服裝，呔，束衣，鞋，波鞋（ 女生用 ），缷裝用品，外套，長襪，拍攝所需之道具。另外建議帶備双面膠紙，扣針。

特別要留意男生恤衫之衫領位，經常容易反起，所以需要特別燙直。

5.洗頭

拍攝當日女生請盡量前一晚洗頭，如果習慣朝早洗頭請早一點將頭髮完全吹乾才開始化妝，以便化妝可以順利進行。

6.男生鞋襪配襯

男生穿着深色嘅西裝就需要着深色嘅“高筒襪”配襯皮鞋。當然如果係 9 分褲就可以著低筒襪啦！ 而如果穿著白色西褲，一般都建議穿著白色長襪。

拍攝上我地攝影師唔建議西裝配波鞋。

8.拍攝便服

影婚紗相當日如選擇便裝，女生可以選擇一啲有層次嘅配搭，而且可以選擇比較輕嘅物料 ( 方便營造飄逸效果 )。男生揀選便服時亦要盡量配合女生嘅顔色，配搭上最好都要有層次 ( 建議不要牛記粒記或者衛衣！太 Hea 了 )

9.保養皮膚/修眉

影婚紗相前一定要保養皮膚，因為皮膚要以最狀態去拍攝，所以拍攝前盡量戒食煎炸食物。
另外，影婚相前兩星期內切勿進行”瀑灑”，因為可能會影嚮皮膚嘅質素甚至乎會甩皮，會影嚮拍攝效果，所以拍攝前要小心保養！因為電腦修圖不能修復甩皮同皮膚嘅局部變紅變腫嘅問題。
亦要修眉調整眉型-男女生都要啊！女生係拍攝前都可以去做角蛋白美捷/植捷毛，令双眼更明麗有神。

10.多餘毛髮處理

拍攝前應要先行修剪手指甲，剃鬚，修剪鼻毛以及多餘嘅毛髮，包括手毛，液下等會上鏡嘅部位。

11.拍攝前頭髮護理

剪髮/男女生出發前都可以將頭髮修剪一下，（當然女生盡量不要剪太短，不要做負離子，電曲髮等)頭髮顔色可以聽從髮型設計師意見，女生不一定要全黑，但又不要太金，太punk都唔好,淺啡色就最好。
（髮型設計上可以直接揾我地御用髮型師 Barry ，我地大部分新娘都係搵佢染頭髮，佢亦好清楚我哋嘅要求，顏色方面嘅配搭，佢亦都非常細心。）

Hair Forest 
Barry ： 98552468 （ 點擊號碼 whatsapp 聯絡 ）
地址：長沙灣順寧道298號地下

12.練習微笑

影之前有時間就對鏡練習微笑，傻笑同亂咁笑！ 對拍攝上有一定嘅幫助！

13.皮膚敏感

皮膚敏感一定要話比化妝師聽 ，例如有部分女主角對某類嘅化妝品有不適嘅反應，若需要自備化妝品都可以。

14.行動不便

如已懷孕或行動不便者 都請主動話比我地團隊知，以保安全 。

行動不便者請盡量於拍攝前通知攝影師，背傷 / 腳傷都可能影嚮部份拍攝行程，盡早告知攝影師作適當安排。

如果會容易暈車浪亦要預早話我地知，同埋要帶備暈浪丸，拍攝途中有任何唔舒服嘅情況都要話我地知，我地會盡量配合。

15.早餐安排

拍攝嗰朝食定早餐 , 以防肚餓胃痛影響拍攝情緒。

16.建議訂造恤衫

因為男仕嘅恤衫會影嚮拍攝效果，例如領位，袖口位，都比較容易不合身而導致走位，所以我地都係建議度身訂造恤衫！ 

男仕恤衫(度身訂做)資訊
http://ctmedia.costumesuit.com/3UKQQ22KEHDYLCR4.png

17.放鬆嘅心情

拍攝前千萬不要太緊張，安撫身邊隔離嗰個，用最自然嘅，最放鬆嘅心情俾我同你地玩一日。

18.拍攝風格

如拍攝上有特別喜好，例如風格上嘅要求都可以直接同我地嘅攝影師溝通。

19.訂制花球

一個簡單的絲花花球看似微不足道，但在整個 Pre Wedding 拍攝過程中亦擔當一個重要角色。在海外婚紗拍攝中我地 Picasoo Wedding 嘅攝影師係會準備一個花球以供拍攝之用。
而一般都會拍攝多個景點，你地亦可考慮多預備不同的花球去配搭不同的場景，如拍攝日光或自然景可揀選一些淡粉色系列花球，而拍攝歐式建築亦可配搭近年較流行的歐式手綁花球，至於拍攝遠景也可預備一個大一點的花球去加強拍攝焦點。

度身訂制花球資訊
DeArt Wedding Decoration
Facebook 專頁: www.facebook.com/deartwedding/
網址 : www.deartwedding.com
電話：61005523  <-Click for whatsApp

20.皮膚

如果有皮膚敏感或化妝品敏感，記得一定要同我地團隊講清楚〜