日本北海道外影拍攝溫馨提示
（內容比較詳盡，但都請你地係出發去影婚紗相之前花少少時間望一望啦〜）
1.攝影團隊酒店資訊
我地北海道婚紗拍攝嘅攝影團隊住嘅酒店係 – “Toyoko Inn 東橫INN “北海道旭川站前一條通
地址 ：Hokkaidō, Asahikawa-shi, 1 Jōdōri, 9 Chome, １条通９丁目１６４−１
電話 ： +81 166-27-1045 (此電話號碼能作自駕遊輸入GPS系統之用)
2.婚紗拍攝前之會面
拍攝前之會面時間會在拍攝前一天的6:00 pm-6.30pm。
如不用特別見面開會，請預先通知~
3.北海道拍攝氣溫
因為北海道氣溫溫差比較大，早上出發影婚紗相時大多為正午，會比較熱。温度一般會23-30度左右，而日落後亦有機會比較涼，大約16-18度左右，所以我地建議帶定外套。
4.物資安排
-外景拍攝當日最好用一個大嘅環保袋載晒所有婚紗，晚裝，衫褲同埋道具,以便整理同埋容易提取所需道具。
-基於安全理由,婚紗拍攝當日不要帶太貴重嘅物品，車上亦盡量不要放個人物品同埋貴重財物
5.影婚紗相之髮型護理與設計
-影婚紗相當日請盡量前一晚洗頭，如果習慣上係朝早洗頭請早一點將頭髮完全吹乾才開始化妝，以便化妝可以順利進行
-剪髮/男女生出發前都可以將頭髮修剪一下，（當然女生盡量不要剪太短，不要做負離子，電曲髮等)頭髮顔色可以聽從髮型設計師意見，女生不一定要全黑，但又不要太金，太punk都唔好，而淺啡色/栗子色就最好！
或者可以直接揾我地御用髮型師Barry ，我地大部分新娘都係搵佢染頭髮，佢好清楚我哋嘅要求，顏色方面嘅配搭。一定附合拍攝婚紗相嘅效果！
Hair Forest
Barry ： 98552468
地址 ：長沙灣順寧道298號地下
6.婚紗拍攝必需帶備之物品
所需拍攝之服裝，呔，束衣，鞋，波鞋（女生用），缷裝用品，外套，長襪，拍攝所需之道具。另外建議帶備双面膠紙，扣針，旅行熨斗。
特別要留意男生恤衫之衫領位，經常容易反起，所以需要特別燙直。女生如選擇雪紡質地嘅服裝拍攝亦要特別燙直。
7.男生鞋襪配襯
男生穿着深色嘅西裝就需要着深色嘅“高筒襪”配襯皮鞋。當然如果係9分褲就可以著低筒襪啦！同埋拍攝上我地攝影師就唔建議西裝配波鞋。
8.穩形眼鏡/眼鏡
男主角拍攝時如需要配帶眼鏡，切勿用會變色嘅鏡片。另外如果度數比較深，需要額外配帶不反光而又無度數嘅鏡片去拍攝。
由於大眼仔con可以令双眼變得更有神，所以女主角有興趣嘅話都可以準備一下！但係如果你無帶開隱形眼鏡就唔太建議帶大眼仔con，因為真係有機會影嚮你双眼同會影響當日嘅表現，例如會不停流眼水。
9.電壓
留意海外插頭制式及電壓。日本係兩腳偏頭，110V。
10.拍攝便服
婚拍當日如選擇便裝，女生可以選擇一啲有層次嘅配搭，而且可以選擇比較輕嘅物料(方便營造飄逸效果)。男生揀選便服時亦要盡量配合女生嘅顔色，配搭上最好都要有層次(建議不要牛記粒記或者衛衣！太Hea了)
9.保養皮膚/修眉
婚紗拍攝前一定要保養皮膚，因為皮膚要以最狀態去拍攝，所以拍攝前盡量戒食煎炸食物。
另外，影婚相前兩星期內切勿進行”瀑灑”，因為可能會影嚮皮膚嘅質素甚至乎會甩皮，會影嚮拍攝效果，所以拍攝前要小心保養！因為電腦修圖不能修復甩皮同皮膚嘅局部變紅變腫嘅問題。
亦要修眉調整眉型-男女生都要啊！女生係拍攝前都可以去植捷毛，令双眼更明麗有神。
10.多餘毛髮處理
拍攝前應要先行修剪手指甲，剃鬚，修剪鼻毛，以及多餘嘅毛髮，包括手毛，液下等會上鏡嘅部位。
11.練習微笑
影之前有時間就對鏡練習微笑，傻笑同亂咁笑！對拍攝上有一定嘅幫助！
13.皮膚敏感
皮膚敏感一定要話比化妝師聽 ，例如有部分女主角對某類嘅化妝品有不適嘅反應，若需要自備化妝品都可以。
14.行動不便
如已懷孕或行動不便者 都請主動話比我地團隊知，以保安全 。
行動不便者請盡量於拍攝前通知攝影師，背傷/腳傷都可能影嚮部份拍攝行程，盡早告知攝影師作適當安排。
如果會容易暈車浪亦要預早話我地知，同埋要帶備暈浪丸，拍攝途中有任何唔舒服嘅情況都要話我地知，我地會盡量配合。
15.早餐安排
拍攝嗰朝食定早餐 , 以防肚餓胃痛影響拍攝情緒。
（東橫inn係有免費早餐，用餐時間為早上6：30-9：00）
16.建議訂造恤衫
因為男仕嘅恤衫會影嚮拍攝效果，例如領位，袖口位，都比較容易不合身而導致走位，所以我地都係建議度身訂造恤衫！
男仕恤衫(度身訂做)資訊
http://ctmedia.costumesuit.com/3UKQQ22KEHDYLCR4.png
17.拍攝風格
如拍攝上有特別喜好，例如風格上嘅要求都可以直接同我地嘅攝影師溝通。
18.訂制花球
一個簡單的絲花花球看似微不足道，但在整個Pre Wedding 拍攝過程中亦擔當一個重要角色。在海外婚紗拍攝中我地Picasoo Wedding嘅攝影師係會準備一個花球以供拍攝之用。
而一般都會拍攝多個景點，你地亦可考慮多預備不同的花球去配搭不同的場景，如拍攝日光或自然景可揀選一些淡粉色系列花球，而拍攝歐式建築亦可配搭近年較流行的歐式手綁花球，至於拍攝遠景也可預備一個大一點的花球去加強拍攝焦點。
度身訂制花球資訊
DeArt Wedding Decoration
Facebook專頁: www.facebook.com/deartwedding/
網址: www.deartwedding.com
電話：61005523 <-Click for whatsApp
19.放鬆嘅心情
拍攝前千萬不要太緊張，安撫身邊隔離嗰個，用最自然嘅，最放鬆嘅心情俾我同你地玩一日。
Picasso Wedding 北海道攝影師聯絡資訊
點擊可以直接以Whatsapp 聯繫
