【日本旅行】日本 3大花系絕景大公開
去日本自由行旅遊一年四季都有唔同的主題，小篇係日本拍攝超過 10 多年，每年都會定時定候去日本睇花睇景兼影靚相。雖然日本景色主題年年都一樣，但無論係櫻花定紅葉又或者北海道嘅七色花田，都係「 百看不厭 」。
日本嘅靚景用「 百看不厭 」嚟型容，相信各位有去過日本自遊行嘅玩家都會深深認同，而對於未去過日本賞花嘅朋友仔嚟講的確又有點吸引，但日本咁多靚花靚景，究竟去邊到睇先至係最正呢？相信有日本自遊行經驗嘅你，都一定買過日本旅遊攻略嘅書籍去揾靚景打咭，但好多時候去到景點先發現有人海問題出現，想打咭影靚相都唔係咁容易，有見及此小篇就憑自身嘅經驗同大家推薦 3 個日本嘅絕景花田俾大家都打咭影靚相啦～
北海道 – 四季彩之丘（ 七色花田 ）
首先要介紹嘅就一定係位於北海道嘅七色花田 – 四季彩之丘。
小篇第一個推介 四季彩之丘 嘅原因係呢個人氣花田係北海道的確無人不曉，花田環繞周圍幾個山玻，廣闊燎原種滿多種色彩鮮艷嘅鮮花，開花期一般由每年 6月中旬直到8 月中旬左右，絕對係花痴嘅熱門打咭位！
開花期間 ： 6 月 – 8 月
景點電話 ： 0166-95-2758 （ 適用於 GPS 導航 ）
景點地址 ：〒071-0473北海道上川郡美瑛町新星第三
景點資訊 ： https://www.shikisainooka.jp/tc/ （ 中文 ）
名古屋 – 東谷山 （ 櫻花 ）
名古屋嘅東谷山公園並唔係一般香港/國內遊客常去嘅賞櫻景點，東贏遊同永安都唔係主要帶遊客去呢度賞櫻，所以成個公園都無乜遊客。而成個東谷山公園 有成1,000棵櫻花樹，有多品種櫻花樹係東谷山公園內，要影到一種萬天櫻花嘅感覺又想要揾一個無遊客嘅打咭靚景，名古嘅東谷山都係一個好好嘅選擇。
櫻花期間 ： 4月上旬 – 中旬
景點電話 ： 052-736-3344
景點地址 ： 愛知県名古屋市守山区大字上志段味字東谷2110
景點資訊 ： https://www.jalan.net/kankou/spt_23113ah3330041468/ （日文）
北海道 – 新榮之丘 （ 太陽花 ）
新榮之丘係一個好似係毫不起眼嘅地方，但仔細啲去睇其實呢個地方真係好靚！新榮之丘四面都俾綠色嘅農地包圍，遠眺十勝岳。園內時不時都會因應天氣去種唔同嘅花，仲要種到成個農場都係，真係好震撼！
