海外婚紗拍攝 – 京都婚紗相21項拍攝須知

京都婚紗拍攝注意事項

1.四月份京都婚紗拍攝氣溫

因為日本氣溫溫差比較大，於早上外出進行婚紗拍攝時會比較凍，而正午時又會比較熱，所以我地建議帶定羽絨保暖（清晨時份都氣温大約4-8度左右。）

婚紗拍攝當日基於安全理由

建議不要帶太貴重嘅物品，隨身物品亦要盡量輕便，以便拍攝！

2.貴重物品.

婚紗拍攝當日基於安全理由,建議不要帶太貴重嘅物品，隨身物品亦要盡量輕便，以便拍攝！

3.洗頭

婚紗拍攝當日女生請盡量於拍攝前一晚洗頭。
如果習慣朝早洗頭，請早一點將頭髮完全吹乾才開始化妝，以便化妝可以順利進行。

4.男生鞋襪配襯

男生穿着深色嘅西裝就需要着深色嘅“長襪”配襯皮鞋，當然如果係選擇9分褲就可以著低筒襪啦！而如果穿著白色西褲，一般都建議穿著白色長襪。
（拍攝上我地攝影師唔建議西裝配波鞋。）

男生穿着深色嘅西裝就需要着深色嘅“長襪”配襯皮鞋，當然如果係選擇9分褲就可以著低筒襪啦！而如果穿著白色西褲，一般都建議穿著白色長襪。
（拍攝上我地攝影師唔建議西裝配波鞋。）

5.穩形眼鏡/眼鏡

男主角拍攝時如需要配帶眼鏡，切勿用會變色嘅鏡片。另外如果度數比較深，需要額外配帶不反光而又無度數嘅鏡片去拍攝,亦有新人會選擇沒有鏡片嘅眼鏡框。

由於大眼仔con可以令双眼變得更有神，所以女生有興趣嘅話都可以準備一下！但係如果你無用開隱形眼鏡就唔太建議帶大眼仔con，因為真係有機會影嚮你双眼同會影響當日嘅表現，例如會不停流眼水。

部份新人會因配帶隱形眼鏡導致眼精乾澀，所以都建議準備定眼藥水。

6.必需帶備小物品

建議帶備双面膠紙，扣針，旅行熨斗，特別要留意男生恤衫之衫領位，經常容易反起，所以需要特別燙直。女生如選擇雪紡質地嘅服裝拍攝亦要特別燙直。

7.電壓

留意海外插頭制式及電壓。日本係兩腳扁頭，110V。

如選擇拍攝便裝，男生揀選便服時亦要盡量配合女生嘅顔色!

8.拍攝便服

婚拍當日如選擇便裝，女生可以選擇一啲有層次嘅配搭，而且可以選擇比較輕嘅物料(方便營造飄逸效果)。男生揀選便服時亦要盡量配合女生嘅顔色，配搭上最好都要有層次(建議不要牛記粒記或者衛衣！太Hea了)

9.保養皮膚/修眉

婚紗拍攝前一定要保養皮膚，因為皮膚要以最狀態去拍攝，所以拍攝前盡量戒食煎炸食物。
另外，影婚相前兩星期內切勿進行”瀑灑”，因為可能會影嚮皮膚嘅質素甚至乎會甩皮，會影嚮拍攝效果，所以拍攝前要小心保養！因為電腦修圖不能修復甩皮同皮膚嘅局部變紅變腫嘅問題。
亦要修眉調整眉型-男女生都要啊！女生係拍攝前都可以去植捷毛，令双眼更明麗有神。

10.多餘毛髮處理

拍攝前應要先行修剪手指甲，剃鬚，修剪鼻毛，以及多餘嘅毛髮，包括手毛，液下等會上鏡嘅部位。

11.剪髮

剪髮/男女生出發前都可以將頭髮修剪一下，（當然女生盡量不要剪太短，不要做負離子，電曲髮等)頭髮顔色可以聽從髮型設計師意見，女生不一定要全黑，但又不要太金，太punk都唔好淺啡色就最好。
（髮型設計上可以直接揾我地御用髮型師Barry ，我地大部分新娘都係搵佢染頭髮，佢亦好清楚我哋嘅要求，顏色方面嘅配搭，佢亦都非常細心。）

Hair Forest
Barry ： 98552468 
地址：長沙灣順寧道298號地下

12.練習微笑

影之前有時間就對鏡練習微笑，傻笑同亂咁笑！對當日婚紗拍攝會有一定嘅幫助！

13.皮膚敏感

若有皮膚敏感或對化妝品敏感一定要話比化妝師聽 ，若女主角需要自備化妝品都可以。

14.行動不便

如已懷孕 , 請主動話比我地團隊知，以保安全

如已懷孕或行動不便者 都請主動話比我地團隊知，以保安全 。如果會容易暈車浪要預早話我地知，同埋要帶備暈浪丸，拍攝途中有任何唔舒服嘅情況都要話我地知，我地會盡量配合。

15.早餐安排

拍攝嗰朝食定早餐 , 以防肚餓胃痛影響拍攝情緒。（酒店附近都有便利店，可以購買熱飲保暖）

16.建議訂造恤衫

因為一般嘅男仕恤衫會影嚮拍攝效果，例如領位，袖口位，都比較容易不合身而導致走位，所以我地都係建議度身訂造恤衫！ 

曾經有客人試過抵達酒店先發現帶漏咗恤衫或西褲甚至乎帶漏領呔或其配件，如遇上以上情況可以去我地酒店附近嘅青山の洋服補購，由酒店前往青山の洋服步行只需10分鐘。

17.放鬆嘅心情

拍攝前千萬不要太緊張，安撫身邊隔離嗰個，用最自然嘅，最放鬆嘅心情俾我同你地玩一日。

18.拍攝風格

如拍攝上有特別喜好，例如風格上嘅要求都可以直接同我地嘅攝影師溝通。

19.婚紗晚裝攜帶方法

外景拍攝當日最好用一個大嘅環保袋載晒所有婚紗，晚裝，衫褲同埋需要拍攝嘅道具存放於外景車車尾，以便整理同埋容易提取所需道具。

（唔建議用大旅行喼，因為每一次換衫拎嘢都非常不便）

另外如抵達酒店後，建議第一時間掛起所有需要拍攝嘅服裝並將其燙直，避免因擠壓太耐而影嚮拍攝效果。
（酒店只有兩個燙斗可供借用，所以建議自備一個，避免借唔到）

20.和服外租

如果想係京都拍攝和服，建議選擇係夢館租借。
<<夢館>> 租借和服需要提前網上做預約，而租借和服之流程可以同我地攝影團隊直接了解溝通。

夢館網址 ：https://picassowedding.blog/recommends/kyotokimono/
夢館地址 ： 〒600-8104 京都市下京区万寿寺町128
營業時間 ： 10:00 ～ 18:30 (最終入店時間17:00 / 電話19:00為止)

21.訂制花球

一個簡單的絲花花球看似微不足道，但在整個Pre Wedding 拍攝過程中亦擔當一個重要角色。在海外婚紗拍攝中我地Picasoo Wedding嘅攝影師係會準備一個花球以供拍攝之用。
而一般都會拍攝多個景點，你地亦可考慮多預備不同的花球去配搭不同的場景，如拍攝日光或自然景可揀選一些淡粉色系列花球，而拍攝歐式建築亦可配搭近年較流行的歐式手綁花球，至於拍攝遠景也可預備一個大一點的花球去加強拍攝焦點。

Picasso wedding picasso wedding Kyoto picasso wedding Prague picasso wedding好唔好 picasso wedding 婚紗相 picasso wedding 攝影師Chris picasso wedding 攝影師 Freeman picasso wedding 攝影師 Raymond picasso wedding 日本 picasso wedding 評語 picasso wedding黑店 pre wedding wedding 京都婚紗相 婚禮 婚禮拍攝 婚禮攝影 婚紗展 婚紗拍攝 婚紗攝影 婚紗相 婚紗相價錢 婚紗相收費 婚紗相景點 婚紗相景點推介 布拉格 布拉格婚紗相 布拉格結婚相 日本 日本婚攝 日本婚紗拍攝 日本婚紗相 日本旅拍 日本櫻花 日本結婚相 日本輕井澤 海外婚紗拍攝 海外婚紗攝影 結婚 結婚攝影 結婚相 輕井澤 輕井澤婚紗相 香港婚紗攝影 香港婚紗相