日本婚攝酒店推介 – Toyoko Inn 東橫Inn酒店
去日本影婚紗相選擇合適嘅酒店真係好重要，因為酒店同景點嘅距離對影婚紗相嘅行程係有好直接嘅影嚮，而且酒店嘅價格同配套都對十分精明嘅香港人嚟講係一項非常重要嘅因素，所以無論去 京都/大阪/東京/輕井澤/沖繩/北海道 ，邊個景點影婚紗相都好， “平，靚，正，方便”嘅酒店就係去日本海外婚紗拍攝嘅重要選項。
綜合我地十多年係日本影婚紗相嘅經驗，TOYOKO-INN (東横イン)係一間不二之選嘅酒店，TOYOKO-INN (東横イン)係一間全日本最大之連鎖酒店之一。Toyoko-inn有齊“平，靚，正”l香港人揀酒店嘅基本要求，而租金平均大約由¥5500 – ¥9000左右，大部分TOYOKO-INN (東横イン)都免費提供日式早餐，有部分更提供免費晚餐（日式咖喱飯〜(๑´ڡ`๑)）,而且TOYOKO-INN (東横イン)酒店我地推介嘅原因就係因為我地選擇嘅每一間都係JR站或鐵路站嘅旁邊，所以係非常方便！
京都婚紗拍攝之住宿
選擇去京都影婚紗相，我地就會指定住以下兩間嘅TOYOKO-INN (東横イン)酒店。
東横INN京都五条大宮，非常靠近京都市中心，距離嵯峨野線丹波口站只有750米路程，酒店旁更有著名嘅横綱拉麵店（ラーメン横綱 五条店），居酒屋，便利店等商舖食肆，酒店亦設有停車場方便自駕遊嘅旅客。
1.東横INN京都五条大宮
2.東横INN京都四条大宮
東横INN京都四条大宮，亦非常靠近京都市中心，從酒店去烏丸購物區只有一站之隔，酒店距離阪急大宮駅只有230米路程，亦係嵐電四条大宮站旁邊（去嵐山觀光電車嘅車站）。酒店附近更有不少居酒屋，拉麵店，便利店，超市等商舖食肆。酒店亦設有停車場方便自駕遊嘅旅客。
輕井澤婚紗拍攝之住宿
選擇去輕井澤影婚紗相，我地攝影團隊都會係選擇TOYOKO-INN (東横イン)酒店，輕井澤嘅TOYOKO-INN (東横イン)酒店位於輕井澤嘅西面，酒店同JR佐久平站距離只有100米左右，附近有Aeon，有燒肉店，更有著名嘅拉麵店 – 会津喜多方ラーメン蔵。
佐久平嘅TOYOKO-INN (東横イン)酒店會提供免費日式早餐同咖啡，亦設有室內自動停車場，方便自駕遊嘅旅客。(^._.^)ﾉ
北海道婚紗拍攝之住宿
因為7月份去北海道影婚紗相嘅主題為大自然嘅景色，拍攝景點大至圍繞住美瑛同富所以選擇酒店方面我地團隊會推介位於旭川站嘅兩間TOYOKO-INN (東横イン)酒店。因為旭川站屬於市區得嚟又要接近大自然，更要有唔同嘅原素拍攝，而TOYOKO-INN (東横イン)酒店就正正切合到婚紗拍攝嘅需要。
東横INN旭川駅前一条通/東横INN旭川駅東口
由旭川JR站行去東横INN酒店（旭川駅前一条通 / 東横INN旭川駅東口）僅僅500米左右，酒店附近有大型購物商場，食街，更有著名嘅拉麵店 らーめん山頭火 旭川本店。由旭川東横INN酒店去美瑛町附近嘅農場起係大約20分鐘左右嘅車程。酒店並設有室內自動停車場，方便自駕遊嘅旅客。
沖繩婚紗拍攝之住宿
選擇去沖繩影婚紗相，我地攝影團隊係會選擇位於那覇嘅東横INN（美栄橋駅）。那霸-係沖繩縣內最繁榮嘅市區，市內商店林立，更有24小時營業嘅『唐吉訶德 Donki (國際大道店)』 ,由酒店前往國際通只有500米路程，酒店附近也有好多居酒屋/拉麵店等食店，十分方便。
如果有更多關於日本婚紗拍攝嘅問題，或者想了解多啲旅遊資訊歡迎隨時過嚟我地Picasso Wedding嘅門市同我地攝影師溝通一下 ga〜(^･o･^)ﾉ”
門市:
海外婚紗拍攝專門店
尖沙咀百利商場地庫 B10, B11
海外婚紗拍攝 / 婚禮攝影專門店
太子金都商場 129,236 號舖
-婚紗部
太子金都商場 340 號舖
TEL：3188 5885 / 2390 2300影樓:
太子道西141號長榮大廈14/F K室
website : www.picassowedding.com
IG ： Picasso wedding
wechat : Picasso wedding
- 【2022年最新】52個香港婚紗相景點推介
- 【婚紗展】精選 4個婚展必睇項目
- 【香港婚紗拍攝】 – 客人拍攝後感想 Water & Hailey
- 【日本櫻花】明年櫻花婚紗拍攝早鳥優惠
- 【婚紗攝影】西環碼頭暫停向公眾開放-婚紗攝影可以去邊到影日落？
